من بعد الكسر ندي الجمل
بعد خمس دقايق بس من توقيع ورق الطلاق، خرجت من المحكمة
ومعنديش أي حاجة غير ابني يوسف ماسك في إيدي.
أنا ريم واللي حصل ده؟
كان نهاية حكاية كنت فاكرة إنها عمر.
ورايا، صوت حسن طليقي لسه بيرن في وداني كده خلصنا يا ريم كل واحد يشوف حياته.
ما بصّتش ورايا.
لأني لو بصيت هقع.
يوسف شد إيدي وقال ماما إحنا رايحين فين؟
نزلت لمستواه وقلتله بابتسامة مكسورة رايحين نبدأ من جديد يا حبيبي.
بس الحقيقة؟
أنا ماكنتش عارفة أبدأ منين أصلاً.
وفجأة عربية سودا فخمة وقفت قدامي.
الإزاز نزل ببطء وظهر وش خلّى قلبي يدق بعنف.
كريم.
نفس النظرة نفس الهدوء
بس المرة دي كان في عينه حاجة تانية قوة.
بصلي وقال اركبي يا ريم.
اتلخبطت إنت بتعمل إيه هنا؟
رد بهدوء مستني اللحظة دي من زمان.
سكت شوية وبعدين قال أنا عرفت اللي حسن عمله فيكي وده مش هيتساب.
قلبي اتقبض أنا مش عايزة مشاكل.
ابتسم ابتسامة خفيفة بس أنا عايز.
عدّى أسبوع
ريم بقت قاعدة في شقة هادية في المعادي، وفرها لها كريم.
شغلها رجع تاني بس بشكل أقوى.
أما حسن؟
كان فاكر إنه خلص منها.
لحد ما في يوم
دخل شركته الصبح لقى الموظفين واقفين متوترين.
وفي قاعة الاجتماعات كانت ريم قاعدة.
لابسة شيك ووشها كله ثقة.
حسن اتصدم إنتي بتعملي إيه هنا؟!
ريم ابتسمت وقالت بهدوء أنا الشريكة الجديدة في الشركة يا حسن.
اتجمد مكانه مستحيل!
الباب اتفتح ودخل كريم.
وقف جنبها وقال مش مستحيل لما كل حاجة تبقى متخطط لها صح.
ريم بصت لحسن وقالت فاكر لما قولتلي إني ولا حاجة؟
أنا دلوقتي بقيت كل حاجة بس مش ليك.
حسن كان واقف مصدوم مش قادر يستوعب.
ريم بقت قدامه واحدة تانية خالص مش الست اللي كان بيكسرها كل يوم.
لكن اللي ماكنش يعرفه
إن المفاجأة الحقيقية لسه جاية.
بعد الاجتماع
ريم كانت واقفة في البلكونة، باصة على الشارع بشرود.
كريم
قالتله بهدوء أنا مش فاهمة إنت ساعدتني ليه؟
بعد كل السنين دي ظهرت فجأة كده؟
كريم سكت شوية وكأنه بيجمع كلامه.
بعدين قال
أنا ما ظهرتش فجأة يا ريم
أنا عمري ما اختفيت أصلاً.
ريم بصتله باستغراب يعني إيه؟
أخد نفس عميق وقال أنا كنت متابعك من بعيد.
اتوترت متابعني؟ ليه؟!
بص في عينيها مباشرة وقال أخطر جملة
عشان حسن ماكانش أول مرة يعمل كده.
اتجمدت مكانها قصدك إيه؟
كريم قرب خطوة وقال حسن اتجوز قبلك مرتين.
ريم اتصدمت إيه؟! مستحيل أنا كنت هعرف!
هز راسه لا لإن كل مرة كان بيطلق بنفس الطريقة.
يسيطر يكسر ياخد كل حاجة ويمشي.
صوتها بدأ يترعش وإنت عرفت ده كله إزاي؟
سكت لحظة وبعدين قال
عشان واحدة منهم كانت أختي.
الصمت ضرب المكان.
ريم بصتله بصدمة أختك؟!
كريم كمل وهو صوته فيه غضب مكتوم اسمها ندى حسن دمرها.
خلاها تطلع من الجواز من غير فلوس من غير شغل ومن غير نفس تعيش.
بلع ريقه وكمل وبعد الطلاق بشهرين حاولت تنهي حياتها.
ريم حطت إيدها على بوقها يا نهار أبيض
كريم بص لها ومن يومها وأنا مستنيه يغلط تاني.
وأول ما عرف إنه اتجوزك بدأت أراقبه.
ريم رجعت خطوة يعني كل اللي بيحصل ده
كريم قالها بصراحة انتقام.
سكت لحظة وبعدين بص لها بنظرة أهدى بس مش بس كده.
قلبها دق بسرعة يعني إيه؟
قرب منها شوية وقال أنا فعلاً عايز أحميكي
بس برضه عايز آخد حقي.
ريم كانت تايهة بين خوف وغضب وارتباك.
قالتله وأنا؟
أنا بالنسبة لك إيه في الخطة دي؟
كريم سكت وبعدين قال كنتي خطة
وقف لحظة وبص في عينيها
بس دلوقتي بقيتي نقطة ضعفي.
عدّى يومين
ريم كانت قاعدة في الشقة، دماغها مليان أسئلة.
كلام كريم مش راضي يسيبها.
أختي حاولت تنهي حياتها
الجملة دي كانت بتتكرر في ودانها.
بالليل
جرس الباب رن.
ريم قامت تفتح، وهي متوقعة إن كريم.
لكن أول ما
اتجمدت مكانها.
بنت واقفة قدامها ملامحها هادية جدًا، بس عينيها فيها حزن غريب.
وشها شاحب كأنها شايلة وجع سنين.
قالت بصوت واطي إنتي ريم؟
ريم هزت راسها أيوه مين حضرتك؟
البنت ابتسمت ابتسامة خفيفة وقالت
أنا ندى.
القلب وقع من ريم.
ندى؟! أخت كريم؟!
هزت راسها أيوه بس واضح إن كريم قالك إني ضحية صح؟
ريم اتلخبطت هو قال إنك
قاطعتها ندى بهدوء غريب قال إني اتكسرت وإن حسن دمرني.
سكتت لحظة وبعدين ضحكت ضحكة خفيفة بس موجوعة
بس ما قالش الحقيقة كلها.
ريم بدأت تقلق حقيقة إيه؟
ندى دخلت الشقة من غير ما تستأذن، وبصت حواليها.
الشقة دي كريم جابهالك؟
زي ما عمل معايا زمان.
ريم اتصدمت إيه؟!
ندى بصتلها مباشرة
أنا ماحاولتش أنهي حياتي يا ريم
أنا كنت بهرب.
التوتر زاد في الجو.
ريم قربت منها تهربي من إيه؟
ندى ردت بسرعة
من كريم.
الصمت كان تقيل.
ريم بصت لها بصدمة إنتي بتقولي إيه؟! ده أخوكي!
ندى قالت ببرود
إنتي شايفة أخو بيخطط ويراقب حياة واحدة سنين؟
شايفة ده طبيعي؟
ريم سكتت
لأول مرة بدأت تشك.
ندى كملت
كريم مش بيعمل كده عشان يحميكي
هو بيعمل كده عشان يسيطر.
قربت منها وقالت بصوت أوطى
أنا كنت قبلك في نفس مكانك
ساعدني وقف جنبي ودخل حياتي كلها
بلعت ريقها
وبعدين بقيت لعبة في إيده.
ريم قلبها بيدق بسرعة
إنتي بتكدبي صح؟
ندى بصت لها بعيون مليانة دموع
نفسي أكون بكدب.
وفجأة
باب الشقة اتفتح.
صوت خطوات تقيلة دخلت.
كريم.
وقف على الباب عينيه عليهم هما الاتنين.
وبصوت هادي جدًا قال
واضح إنك وصلتي لها بدري يا ندى.
ندى ابتسمت بسخرية ماقلتش لك؟ مش هسيبك تعيد نفس اللعبة.
كريم دخل وقفل الباب وراه بهدوء.
بص لريم وقال
هتصدقي مين؟
واحدة هربت وسابتني أواجه كل حاجة لوحدي
ولا أنا؟
ريم كانت واقفة بينهم
حاسة إن الأرض بتتهز تحتها.
واحد فيهم بيكذب
أو يمكن
الجو كان متوتر
كريم واقف ناحية وندى ناحية تانية
وريم في النص، قلبها بيتشد من ناحيتين.
بس فجأة رفعت راسها وقالت بحسم
أنا مش هصدق حد فيكم.
الاتنين سكتوا.
كملت وهي بتبص لهم بالتبادل لا إنت يا كريم ولا إنتي يا ندى.
أنا هعرف الحقيقة لوحدي.
تاني يوم الصبح
ريم خرجت من البيت بدري، من غير ما تقول لكريم.
أول مكان راحتله كان شركة حسن القديمة.
وقفت قدام الريسيبشن وقالت بثقة أنا عايزة ملف الموظفين القدامى خصوصًا اللي اشتغلوا مع حسن من ٥ سنين.
الموظفة اترددت الملفات دي مش متاحة لأي حد
ريم ابتسمت ابتسامة باردة أنا الشريكة الجديدة افتحي.
بعد ساعة
ريم قاعدة وسط ورق كتير أسماء تواريخ عقود.
وفجأة لقت اسم شد انتباهها
ندى كريم عبدالرحمن
قلبها دق.
فتحت الملف بسرعة
ولقت حاجة غريبة.
الحالة الوظيفية
تم فصلها بناءً على توصية مباشرة من كريم.
ريم همست لنفسها إزاي؟ ده أخوها!
كملت تقليب
ولقت ملف تاني لواحدة اسمها سارة.
وبرضه نفس السيناريو
اشتغلت مع حسن
قربت من كريم
اختفت فجأة.
اللغز بدأ يكبر.
بالليل
ريم رجعت الشقة، وفتحت موبايل قديم كانت لسه محتفظة بيه.
دخلت على سوشيال ميديا قديمة
ودورت على اسم ندى.
بعد شوية
وصلت لحساب قديم.
فتحت الصور
وفي صورة كانت كفيلة تقلب كل حاجة.
ندى واقفة جنب حسن.
بس مش كزوجة
ك شريكة.
ريم اتسمرت
إيه ده؟!
وفي نفس الحساب
بوست قديم مكتوب فيه
الثقة الغلط بتدمر أكتر من الخيانة.
ريم بدأت تربط الخيوط
ندى كانت قريبة من حسن
كريم كان بيراقب
وفي ستات تانية اختفوا
وفجأة
وصلت رسالة على موبايلها من رقم غريب
لو عايزة الحقيقة كاملة
انزلي بكرة الساعة ٨
العنوان كافيه قديم في وسط البلد.
ريم قلبها دق بسرعة
لكن المرة دي
ماخافتش.
ابتسمت وقالت
كده اللعبة ابتدت بجد.
تاني يوم الساعة كانت قربت على ٨ بالليل.
وسط
ريم كانت واقفة قدام كافيه قديم قلبها بيدق، بس عينيها فيها تحدي.
دخلت.
بصّت حواليها لحد ما لقت راجل قاعد لوحده في ركن بعيد.
لابس بسيط بس نظرته مركزة عليها من أول
