خطه شيطانيه حكايات صافي هاني

معاه لحسابات بره مصر باسمي الشخصي، وسيبت في الحساب مبلغ صغير.. فخ.. عشان لما يحاول يسحبهم بكرة، السيستم يبلغه إن الحساب مجمد بسبب تحقيقات كسب غير مشروع.
أنا مش بس محاسبة.. أنا القاضي اللي هيقفل الدفاتر دي للأبد.
يتبع...
قبل الفرح ب 48 ساعة، البيت كان خلاية نحل. فوزية كانت بتعزم قرايبها وبترسم دور الحما الحنينة، وأحمد كان نازل يخلص بدلة الفرح بفلوس العربون اللي أنا عطيتهاله.. أو اللي هو فاكر إنه خده مني.
دخلت أوضتي وقفلت على نفسي. طلعت الفلاشة اللي عليها المستور.
أنا مش بس جمدت الحسابات، أنا ربطت كل خيوط اللعب بتاعهم بمصلحة الضرائب ومباحث الأموال العامة.
أحمد دخل عليا الأوضة فجأة، كان وشه مخطوف
شيرين، حاولت أسحب من الفيزا اللي قلتيلي عليها عشان أدفع لباقي القاعة، بس الماكينة طلعتلي عملية مرفوضة.. هو في إيه؟
قمت وقفت ببرود، وبصيتله بنظرة أول مرة يشوفها في عيني
غريبة! يمكن عشان الرصيد اللي كان فيها طار؟
ضحك بتوتر طار فين يا حبيبتي؟ إحنا ورانا التزامات.
قلتله بمنتهى الهدوء طار في سداد ديون قديمة يا أحمد.. ديون مكتب المقاولات اللي إنت كنت بتهرب منه الفلوس باسم صحبك.. فاكر؟
أحمد وشه بقى لونه أزرق، وبدأ ينهج إنتِ.. إنتِ بتقولي إيه؟ إنتِ دخلتي في ورقي؟
في اللحظة دي فوزية دخلت على صوتنا في إيه يا ولاد؟ صوتكم عالي ليه؟
بصيت لها وقلت
تعالي يا طنط.. تعالي شوفي ابنك اللي كنتِ عاوزة تلبسيني ديونه وتخلصي منه في المصحة.. الحسابات اللي كنتوا راسمين عليها، أنا قفلتها بضبة ومفتاح. . والورق اللي يوديكم ورا الشمس بقى عند المحامي بتاعي.
فوزية حاولت تمثل القوة إنتِ اتجننتي؟ إنتِ شكلك فعلًا محتاجة تتعالجي زي ما كنا بنقول! إحنا معانا تقرير طبي مبدئي عن حالتك العصبية..
ضحكت ضحكة هزت الحيطة
التقرير اللي عملتوه عند دكتور سمير صاحبكم؟ قوليلي يا طنط، هو دكتور سمير يعرف إن النقابة سحبت رخصته من سنة؟ يعني التقرير بتاعكم ده ميتشربش ميته حتى.. بل بالعكس، ده دليل تزوير هينضاف لملفكم.
أحمد رمى البدلة من إيده وجيه يهجم عليا وهو بيصرخ هتمضي يا شيرين.. هتمضي على كل حاجة ورجلك فوق رقبتك!
في الثانية دي، الباب اتفتح.. ودخل متر إبراهيم ومعاه اتنين رجالة بزي مدني.
إبراهيم بص لأحمد وقال ببرود
بشويش يا أستاذ أحمد.. الجماعة دول من مباحث الأموال العامة، ومعاهم أمر ضبط وإحضار ليك وللمدام والدتك بخصوص قضية الاختلاس رقم 402.
فوزية وقعت على الكرسي وهي بتولول يا مصيبتي! يا فضيحتنا وسط الناس!
أحمد كان بيبصلي بذهول، كأنه بيشوفني لأول مرة.
قربت منه، وشوشته في ودنه
الحب ثقة يا أحمد.. بس المحاسبة جرد.. وأنا جردتكم وطلعتوا خسارة صفي.
وهما ماشيين مع البوليس، فوزية بصتلي بحقد وقالت هتندمي يا شيرين.. مفيش حد هيتجوزك بعد الفضيحة دي.
عدلت ياقة فستاني اللي كنت لسه لابساه، وابتسمت لخيالي في المراية
ومين قال إني هعوز أتجوز تاني؟ أنا هسافر بالفلوس اللي وفرتها من سداد ديونكم، وهبدأ حياتي من غير حمول زيادة.
قلعت الجزمة الساتان، ورميتها في نص الصالة، ومشيت حافية وأنا حاسة بالأرض ثابتة تحت رجلي لأول مرة.
تمت.