حب من اول نظره مريم سمير
وأنه عاوز يسمعني وعاوز يعرف حصل معايا أي واي مضايقني ويحاول يضحكني كان بيصلح حاجات هو ملوش علاقه بكسرها وهو مش عارف أنه بيصلحها كان جميل ومحصلش .
No body is perfect but he is no body
اه يعني انت قولت لمامتك عليا
_ أيوة
ف هي قالتلك تعزمني علي الغدا عندكم
_ أيوة
وقولتلها أي عليا
_ قولتلها إن بقي عندي صاحبه وأننا بنتقابل كل يوم وبقيت اعمل بطاطس زيادة عشان تاكلي معايا
انت بتحكيلها ولا بتذلني
_ هتيجي ممكن تيجي
كان بيبصلي ب رجاء اني اروح ف وافقت .
بعدها روحت البيت وفتحت الدولاب وانا بدور علي احسن حاجة ألبسها اول مرة اعمل كده عاوزة إبان بشكل منظم لبست دريس وحطيت ميكب خفيف لبست هيلز لأول مرة ونزلت روحت علي اللوكيشن الي بعتهولي علي واتساب .
كان بيته كبير من برا دا طلع غني بقي! خبطت وهو الي فتحلي
_ اتفضلي
نده علي مامته ف سلمت عليا بترحيب اهلا اهلا اتفضلي يحبيبتي
دخلت قعدت في الصالون
كنت عاوزة اشوفك من زمان من كلام احمد عليكي
أنا الي حصلي الشرف والله يطنط
هروح اشوف الاكل وصل لفين عشان ناكل سوا
سابتنا ومشت وبصتله لقيته باصصلي
_ تيجي اوريكي اوضتي
هزيت راسي
دي بقي اللوح الي قولتيلي عليها
_ أيوة اتفرجي براحتك
شوفتها كلها كانت تهبل ازاي محدش يقدر حاجات زي دي
لمحت لوحه مستخبيه وسط كل دا مديت أيدي وسحبتها
واللوحة دي اي و..
الكلام وقف علي لساني لما بصيت لقيتها صورتي راسمني بمنتهي الدقة كأني باصه في المرايا بل وأجمل
_ مالك مش عجباكي
دي حلوة حلوة اوييي
_ دي احسن لوحة عندي
طب أنا ممكن اشتريها
_ اسف بس دي مش هبيعها هتفضل هنا ممكن تاخدي أي لوحة تانيه ممكن دييي دي بردو تعبت وانا بعملها
بصتله وخدت منه اللوحة التانيه ورجع الي كانت في ايدي مكانها وسط اللوح
خلي بالك إن اكيد هيجي يوم واخدها!
_ ممكن تعيشي معايا هنا علي طول وكده تبقي بتاعتك
لاء مهو مينفعش
_ لي اه صح لازم جواز بسيطة مريم هو انتي ينفع تتجوزيني
عيني وسعت وانا بصاله وهو مستني ردي مامته ندهت علينا عشان الاكل كان خلص الحمد لله الوقت المناسب .
نزلنا كلنا وقعدت مع مامته كانت ست طيبة اوييي وشويه وباباه جه واتعرفت عليه كانت عيلة جميلة الواحد يتمني يبقي وسطهم .
اليوم خلص وكان يصنف أنه يستاهل عشرة من عشرة ومن الايام الي بلا شك عارفه اني
_ هاجي اخدك بعد ما تخلصي
لاء لاء نام انت
_ هتخلصي متأخر هاجي اوصلك
طلعت المستشفى عشان كان عليا سهر خلصت علي أتنين بليل وبعتله اني خلصت وقالي أنه في الطريق نزلت استني قدام المستشفى ف جه شاب بالعربيه وقف قدامي
ما تيجي اوصلك
..
نزل من العربيه ووقف قدامي متخافيش هديكي الي انتي عوزاه
امشي من هنا بدل ما اصوت ألم عليك الناس
مسك أيدي انت اتجننت اه سيب أيدي
ايد اتحطت علي كتفه واتشد ف ساب أيدي
ساعتها احمد مسكه وفضل يضرب فيه بكل قوته شديت أيده ب العافيه وقولتله خلاص! ساعتها أتراجع وبدأ ياخد نفسه بعصبيه وهو بيبصله والتاني علي الارض
ممكن يلا!
مشينا وانا طول الطريق ماشيه ساكته كان بيبصلي ويرجع يبص قدامه لما يلاقيني مضايقه
مكنتش ليه أي لازمة الي عملته دا
_ دا مسك ايدك وانتي كنتي بتتوجعي
دي حاجة عاديه بتحصل كنت أنا هتعامل مع الموقف ب فهم مكنتش هلم عليا الناس!
_ أنا آسف أنا مكنش قصدي ازعلك انتي كنتي مضايقه
هو يعني اي حد هيضايقني تضربه
_ أيوة مينفعش حد يضايقك
زعقت الواحد لازم يفكر
ساعتها سكت لما أدركت أنا قولت اييي أنا ازاي قولت كده!
احمد أنا..
_ انتي معاكي حق أنا فعلا غبي ومعنديش عقل
أنا مش قصدي
_..
وقفت ف وقف وبصلي أنت لي بتعاملني حلو علي طول مينفعش حد يبقي كويس مع حد دايما انت بتخليني احس بحاجات مش عاوزة احسها
_ أنا مش فاهم!
ولا أنا عدت فاهمة مالي
_ انتي زعلانة اني ضربته أنا معتش هعمل كده تاني متزعليش مني
متزعلش انت مني عشان غلطت فيك انت مش غبي انت ذكي دايما حقك علي عيني يا احمد أنا آسفه
_ أنا بحبك اوييي يمريم
يلا عشان منتأخرش عن كده
مشينا وبصلي _ أنا كنت بشوف في الافلام إن لما حد يحب حد بيقوله يحبيبي ف انتي كده حبيبي مريم هو انتي ينفع تتجوزيني
كالعادة ابتسمت من كلمته الي بقي يكررها كتير بس هو الي حبيبي! كان حبيبي الاول الراجل الأوسم الجزء الالطف القلب الدافئ والصديق الأقرب
بقي حبيب مريم واخيرا! كنت هفقد الأمل اني احس بالحب في حياتي متهيقلي ان بقي عندي احلي قصة حب في الدنيا .
اتفقنا نروح لطبيب نفسي بناء علي طلب مامته عشان احمد كان رافض بس وافق لما عرف اني هروح معاه واستناه برا يوم بعد يوم حالته بتتحسن
