طفل مشرد حكايات صافي هاني

والمدينة كلها هتبقى في ضلمة كاملة، والمستشفيات والأجهزة هتقف، إلا لو كالوم حط الكارت في جهاز الارتباط اللي هبعتلك مكانه حالا.
كالوم بص لجده، لقى الجد منصور مش عارف يتصرف، الموقف بقى حياة أو موت لناس كتير مالهاش ذنب. الولد الصغير غمض عينيه ثواني، وبعدين فتحها وقال بهدوء مرعب جدي، هو فاكر إن الكارت هو اللي بيدي الأوامر.. هو ميعرفش إن الكارت ده مجرد ريموت، والسيستم الحقيقي موجود هنا.. وشاور على دماغه.
كالوم قعد تاني قدام الشاشات، بس المرة دي موصلش الكارت بالجهاز. طلع من جيبه فلاشة صغيرة جداً كان معلقها في ميدالية مفاتيحه، وحطها في الجهاز وبدأ يكتب أكواد بلغة غريبة، لغة ميفهمهاش غير اللي صمم السيستم الأصلي.
بتعمل إيه يا كالوم؟ سأل الجد بذهول.
بعمل Loop يا جدي.. هخلي الفيروس اللي بعته يلف ويرجع له هو، بس بدل ما يضرب محطة الكهرباء، هيضرب شبكة الاتصالات الخاصة ببيته ومكاتبه.
في اللحظة اللي رفعت صبري كان مستني فيها النور يقطع عن المدينة، فجأة الشاشات عنده كلها قلبت أسود، وظهرت صورة جمجمة بتضحك، وصوت كالوم طلع من كل السماعات اللي حوالين رفعت الكهرباء هتفضل منورة للناس الغلابة، بس الضلمة هتكون عندك أنت وبس.. أنت ورجالتك بقيتوا خارج الخدمة.
وفعلاً، في لحظة واحدة، كل أجهزة رفعت صبري اتحرقت، والاتصالات اقطعت عنه تماماً، وبقى معزول عن العالم في قصره المحصن.
كالوم قام من على الكرسي واتنهد كده تمام يا جدي، رفعت دلوقتي محتاج شموع عشان يشوف إيده، ومش هيقدر يوصل لأي بنك أو شبكة لمدة أسبوع على الأقل.
الجد منصور كالوم وقال له أنت النهاردة أنقذت مدينة كاملة يا ابني. بس لازم تعرف، إن الكارت الأسود ده له سر أخير.. السر ده مدفون في مكان ميعرفوش غير جدك الله يرحمه، والمكان ده هو المخزن رقم 7 في البنك اللي روحتوه الصبح.
كالوم بص للكارت الأسود اللي في إيده، اللي لونه بدأ يتغير ويبقى فيه نبضات نور أزرق خفيفة، وسأل والمخزن ده فيه إيه يا جدي؟
منصور وشه بقى جدي جداً وقال فيه النسخة الأصلية من العقود اللي تثبت ملكية جدي ل 60 من شركات الاتصالات والطاقة في البلد.. العقود اللي رفعت صبري مستعد يحرق مصر كلها عشان يوصل لها ويمسحها من الوجود.
الولد الصغير ابتسم ابتسامة فيها تحدي وقال يبقى بكرة الصبح، هنروح البنك تاني.. بس المرة دي مش عشان نسدد مصاريف المدرسة، المرة دي عشان نرجع الحق لأصحابه ونقفل ملف رفعت صبري للأبد.
الحكاية لسه فيها خبايا، والبنك اللي كان مجرد بداية، هيتحول لساحة المعركة الأخيرة بين ذكاء طفل، وجشع حيتان مبيشبعوش.