حقائق المال
المحتويات
بيغش.
يعني إيه يا حسام الكلام ده؟ سألت بصوت مهزوز وهي بتحاول تسترد برستيجها إنت مش قلت لي إنك بعت أسهم الشركة عشان تدفع المقدم؟
حسام مكنش بينطق، بس جيجي أخته هي اللي رمت القنبلة وهي لسه ماسكة التوست
أسهم إيه يا ماما؟ حسام باع أسهمه من زمان عشان يسدد ديون القرض القديم.. أنا كنت شاكة بس مكنتش متخيلة إن جيهان هي اللي دافعة تمن القصر ده كله!
ضحكت ببرود وأنا برجع بضهري لورا على الكرسي
مش بس المقدم يا بهيرة هانم.. ده أنا كمان دافعة تمن العفش اللي إنتي لسه حاطة عليه شنطك الغالية دي. القرض اللي حسام بياخده من البنك كل شهر يادوب بيكفي مصاريفه الشخصية ومنظرة الشركة اللي بتخسر.
بهيرة وشها قلب ألوان، وبدأت تنهج من الغل
وإنتي فاكرة إنك لما تذلينا بفلوسك هتفضلي قاعدة هنا؟ ده بيت ابني! حتى لو ساعدتيه، ده بقى ملكية مشتركة.. وإحنا هنرفع قضية و...
قاطعتها وأنا بطلع ورقة من المجلد الأزرق وبحطها على الرخامة قدامها
ده إقرار بالتنازل وسداد دَين. حسام وقع عليه أول امبارح مقابل إني متنازلش عن المحضر اللي كنت هعمله لما عرفت إنه سحب مبالغ تانية من ورايا. البيت ده بالكامل اتنقل ملكيته ليا قانوناً مقابل الديون اللي عليه. يعني يا بهيرة
بهيرة بصت لحسام بذهول
إنت بعت بيت عيلتك لمراتك يا حسام؟ بعت شرفنا عشان شوية ورق؟
حسام انفجر أخيراً وصوته طلع مخنوق
مبعتش حاجة يا ماما! أنا مكنش قدامي حل تاني.. جيهان كانت هتحبسني! وبعدين إنتي اللي ضغطي عليا نشتري البيت ده عشان تتباهي بيه قدام صحباتك في النادي.. إشربي بقى!
المطبخ اتحول لساحة خناق، بهيرة بتعيط وتلطم على حظها، وجيجي بتحاول تهديها وهي بتبص لي بنظرة كلها خوف واحترام مفاجئ، وحسام واقف مكسور تماماً.
قمت من على الكرسي، شلت الفنجان بتاعي وغسلته في الحوض بمنتهى الهدوء، وبعدين لفيت ليهم وقلت بلهجة حاسمة
قدامكم ساعتين.. الشنط اللي دخلت دي تطلع تاني، وحسام ياخد هدومه ويروح معاكي يا حماتي العزيزة. المطر بدأ يهدى، والجو بقى مناسب جداً للنقل.
بهيرة بصت لي بغل وقالت
مش هنسيبك تتهني بيه يا جيهان.. هنلف على المحاكم ونفضحك.
ابتسمت لها وأنا طالعة على السلم
الفضيحة هتبقى على ابنك اللي عاش سنين عايل على قفا مراته وهو عامل فيها رجل أعمال ناجح. ابقوا خلوا المنظرة تنفعكم وإنتوا بتدوروا على شقة إيجار.
سبتهم ونزلت ستارة الصمت على حياتي القديمة،
يعني إيه؟ يعني إحنا هنمشي من هنا دلوقتي؟ والناس نقولها إيه؟ أقول لصاحباتي إيه لما يعرفوا إننا اطردنا في ليلة مطرة زي دي؟
حسام مكنش قادر يحط عينه في عينها، لف وشه الناحية التانية وقال بصوت مكتوم
يا ماما اطلعي لِمي حاجتك وخلاص، جيهان مش بتهزر، إنتي مش عارفاها؟ دي معاها ورق يوديني ورا الشمس.
في اللحظة دي، جيجي أخته، اللي كانت طول عمرها ماشية ورا كلام أمها وبتبص لي بتعالي، سابت حتة التوست من إيدها وقربت مني بخطوات مهزوزة
جيهان.. إحنا أهل، متبقيش قاسية كدة. يعني حتى لو البيت ملكك، حسام ملوش مكان يروح فيه دلوقتي، وماما تعبانة.. سيبينا بس كام يوم نرتب أمورنا.
بصيت ل جيجي ببرود وقلت لها
أهل؟ الكلمة دي مكنتش على لسانك وإنتي بتفرجي صحباتك على جناح العروسة اللي عملتيه لنفسك في بيتي وتقوليلهم أخويا جاب لي أحسن مكان في مصر. إنتي وحسام وأمك كنتوا بتتعاملوا معايا كأني مجرد ماكينة صراف آلي بتدفع عشان تحقق أحلامكم في المنظرة الكدابة. الكام
بهيرة استجمعت شجاعتها الأخيرة وقالت وهي بتعدل البالطو بتاعها
إنتي فاكرة إنك كدة كسبتي؟ إنتي خسرتي العيلة الوحيدة اللي كانت ليكي. بكرة الفلوس تخلص وتعرفي إنك ولا حاجة من غير اسم عيلة حسام.
ضحكت ضحكة قصيرة رنت في المطبخ كله
اسم عيلتكم؟ إنتي لسه مصدقة الكذبة؟ اسم عيلتكم هو اللي كان متداري ورا فلوس بنت السواق اللي كنتوا بتقللوا منها. الفلوس مش هتخلص يا بهيرة، لأن اللي عملها هو عقلي ومجهودي، مش ورث وهمي ولا منظرة على الفاضي.
طلعت تليفوني وطلبت رقم عم عبده الحارس
أيوه يا عم عبده، ابعت لي اتنين من العمال بتوع الأمن يطلعوا يشيلوا الشنط اللي في الريسبشن، ويوصلوا الستات لحد العربيات بره.
بهيرة شهقت
إنتي هتخلي الشغالين يشيلونا؟
لا، هيشيلوا شنطكم بس، إنتي اللي هتخرجي على رجليكي بكرامتك.. ده لو لسه فاضل منها حاجة.
حسام طلع يجري على فوق عشان يلم هدومه بسرعة قبل ما الأمن يوصل، وجيجي بدأت تعيط وهي بتشد أمها من إيدها. بهيرة وقفت قدام الباب الكبير، لفت وبصت للبيت نظرة أخيرة، نظرة حسرة على القصر اللي كان حلمها الكبير، وبعدين بصت لي وقالت بمرارة
الزمن دوار يا جيهان.
رديت عليها وأنا بقفل باب المطبخ
فعلاً يا بهيرة هانم.. وهو دار خلاص،
متابعة القراءة
