جوزي بهدلني قدام اهله حكايات صافي هاني
هيعجبه الأكل ولا هيذلني بيه؟.
بعد حوالي شهر، وفي يوم جمعة، لقيت تليفوني بيرن.. كانت حماتي، طنط هيلين.
سكتّ شوية وفكرت ماردش، بس قولت أسمع عايزة إيه. أول ما فتحت الخط، لقيت نبرة صوتها متغيرة تماماً، مفيش الكبرياء بتاع زمان، وقالتلي بصوت هادي
إزيك يا ميلاني يا بنتي.. عاملة إيه؟
رديت برسمية الحمد لله يا طنط، خير في حاجة؟
اتنهدت وقالت يا بنتي أنا مكنتش أعرف إن ريان بيعمل معاكي كده، واليوم ده أنا روحت البيت وكنت مكسوفة منك ومن نفسي. ريان كلمني وقالي على شروطك، وأنا جاية أطلب منك تسامحيه.. هو اتعلم الأدب خلاص، والبيت ميبقاش بيت من غير لمتكم.
قولتلها بكل وضوح وبدون تردد
يا طنط، أنا مسامحة في اللي فات، بس الشروط دي حماية ليا ول كرامتي. ريان لو كان بيحبني وبيحترمني مكنش استكتر عليا اللقمة. وأنا مش هرجع خطوة لورا.. النظام ده هو اللي مخليني قادرة أكمل معاه.
حماتي سكتت وكأنها استوعبت إن ميلاني القديمة ماتت،
قفلت معاها، ولفيت لقيت ريان واقف ورايا عند باب الصالة، كان سامع المكالمة كلها. بصلي وعينه في الأرض وقال بصوت واطي
يعني مفيش أمل تتنازلي عن شرط واحد؟
قربت منه وبصيت في عينه وقولتله بابتسامة هادية
الكرامة ملهاش أوكازيون يا ريان.. أنت اللي علمتني إن كل حاجة ليها ثمن، وأنا دلوقتي بندمك على اليوم اللي فكرت تبيع فيه احترامي.
من يومها، ريان عرف مقامه بالظبط، وبقى يعمل ألف حساب لكل كلمة تخرج من بوقه. وأنا اتعلمت درس عمري إن الست لما بتغلي نفسها، الكل بيعملها حساب، وإن لقمة بكرامة.. بالدنيا وما فيها.
مرت شهور على الوضع ده، والبيت مشي زي الساعة. ريان بقى ملتزم بكل مليم، ومبقاش يجرؤ يفتح بوقه بكلمة تقلل مني. بس الحقيقة، البرود اللي بقى بيننا كان عامل زي السد؛ بنتعامل في حديد، مفيش ود ولا ضحكة طالعة من القلب. أنا كنت مرتاحة إني واخدة حقي، بس كنت حاسة إني
وفي يوم، رجعت من الشغل متأخرة وتعبانة جداً، وجسمي كله مهدود من كتر وقفة المطبخ وتجهيز أوردرات الكعك. دخلت الصالة وكنت لسه هقعد عشان أخد نفسي، لقيت ريان خارج من المطبخ وهو لابس مريلة المطبخ بتاعتي، وشايل في إيده صينية عليها شوربة خضار سخنة ورز وواضح إنه هو اللي عاملهم بنفسه.
وقفت مكاني وبصيتله باستغراب، ومكنتش فاهمة في إيه. ريان حط الصينية على التربيزة وبصلي ونطق بنبرة صوت مختلفة تماماً عن كل المرات اللي فاتت، صوت فيه ندم حقيقي مش مجرد خوف من الشروط
أنا عارف إنك تعبانة النهاردة يا ميلاني.. ومتقلقيش، أنا اللي شاري الخضار ده بفلوسي، وأنا اللي طبخته، ومش طالب منك تدفعي مليم، ولا عايز مقابل لوقفتي في المطبخ.
بصيت للشوربة وبصيتله وسكت، فهو كمل كلامه وقال وعينه مدمعة
أنا الشهرين اللي فاتوا دول دوقوني المر.. عرفت يعني إيه راجل يعيش في بيته غريب، وعرفت بالورقة والقلم أنا
قعدت على الكرسي، وبصيت لصينية الأكل الدافي، وحسيت إن الحجر اللي كان جوايا بدأ يدوب شوية. لأول مرة أحس إنه استوعب الدرس مش بس في جيبه، لأ.. وفي كرامته ورجولته كمان.
أخدت المعلقة ودوقت الشوربة، وقولتله بابتسامة خفيفة
الملح زيادة شوية يا ريان.. بس مقبولة.
وشه فجأة نور وابتسم ابتسامة حقيقية كانت غايبة عن البيت من سنين. قعد قدامي وبدأنا ناكل مع بعض من نفس الطبق لأول مرة من يوم العزومة المقلوية.
الشروط فضلت موجودة والحدود فضلت محفوظة عشان مفيش حد ينسى نفسه تاني، بس الدفا رجع للبيت.. بس المرة دي رجع على نظافة، وعلى أساس متين اسمه الاحترام المتبادل، واللقمة اللي تتقسم بالرضا والحب.
