خطيبة اخي ايمان شلبي
ديه حاجات تخلي الكل يبعد عنه يكرهه جت هي كسرت القاعده جت هي برقتها وتفاهمها جنونها ساعات خلت قلبه يعلن دقاته الاولي مستسلم لحب عصف بكيانه أعلن خضوعه التام ليها هي وبس
في الآخر وبعد كل ده بعد ما حارب نفسه وحارب مشاعره وقلبه بعد ما خسر المعركه وأعلن الهزيمه واعترف بمشاعره بعد ما مر مواقف وتصرفات مكانش بيستحملها من اي حد إلا هي تيجي تقوله بكرهك
بعد كل ده تصدق أنه ممكن يأذيها بعد ما حبها اكتر من نفسه بعد ما خسر الرهان تحطم قلبه وتدوس عليه بكل برود وقسوه !!
امشي
بصتله وهي بتقول بشك
امشي !
امشي يامي روحي لمؤنس اتجوزيه
بصتله بانتصار وهي بتهز رأسها ببرود
تمام يا يازين بيه
بررررررا
قالها بزعيق خلي جسمها كله بتتنفض وهي بتخرج من الاوضه وبتجري علي تحت وهو وراها بيزعق في كل اللي يشوفه
برررررا كلكم برررررا مش عايز اشوف حد بررررررررررا
بابا الحقني يابابا الحقني ده مجرم يالا نمشي يابابا بسرعه
قالتها مي وهي بتجري علي باباها
رماح باستغراب وهو شايف حاله زين
في ايه يازين مالك !
زين بجنون
بررررا كلكم برررا مش عايز اشوف حد برررررررا
كان لسه هيقرب منه بس زين زقه بعنف لدرجه كان هيقع
اوعي ابعد عني ابعدوا كلكم عني بررررررا
مي وهي بتترعش بخوف
بابا بابا يالا نطلع بسرعه ده مجرم يابابا ه هيموتنا كلنا يالا يابابا يالا
كان الكل خايف من حاله زين اللي لاول مره يشوفوه بيها هو اه بيتعصب دايما وبيرعبهم لكن لاول مره عصبيته توصل للشكل ده حتي كارلا أخته اللي مكانتش بتخاف منه لانها عارفه أنه بيهدي علي مفيش لاول مره الرعب يدخل قلبها وهي شايفه حالته الغربيه وزعيقه الهستيري في الكل أنه يخرج حتي هي !!
خرجوا كلهم ومي بتترعش بخوف وهي بتقول كلام مش مفهوم أما عن كارلا كان رماح بيحاول يهديها من نوبه البكاء اللي مسكتها من وقت ما شافت اخوها في الحاله الغريبه ديه
طارق وهو بيحاول يهدي مي
اهدي ياحبيتي اهدي مفيش حاجه خلاص احنا خرجنا
مي بخوف ودموع
ه هيموتني ه هيموتني يابابا ا انا خايفه خايفه اوي
طارق
متخافيش ياحبيبتي متخافيش زين بيحبك
مي وهي بتهز رأسها بهستريه
لا لا هو مش بيحبني لا
طارق
طب اهدي خلاص اهدي
أما عن كارلا كانت
خلاص ياكرملتي اهدي زين هيبقي كويس هو بس لما بيتعصب مش بيحس بنفسه
كارلا وهي بتهز رأسها لا لا زين اول مره يتعصب كده انا خايفه عليه اوي يارماح خايفه يعمل حاجه في نفسه
رماح
متقلقيش زين عارف ربنا كويس هو شويه وهيبقي كويس صدقيني
كارلا بعياط
يارب ياااارب
ثواني وهي بتصرخ بفزع خلي رماح ينط في مكانه
في ايه !
كارلا بعصبيه
رماح بتوتر
ا انا اسف لما شوفتك كده مكنتش عارف اعمل ايه
كارلا وهي بتهز رأسها بدموع
اوعي يارماح أوعي تعمل كده تاني انا وانت غلطنا اكيد ربنا هيزعل مننا صح !
رماح بابتسامه حنونه
ربنا بيسامح واحنا هنستغفر ربنا طول الوقت لحد ما تبقي حلالي
قال جملته وهو بيغمزلها بمشاكسه وهي بتفرك ايديها بتوتر وخدوها حمراء
ا انا ا انا
انتي هتيجي معانا لحد ما زين يبقي كويس ومتقلقيش هتباتي مع مي وانا هبات برا البيت عشان تاخدي راحتك
كارلا بخجل
بس
رماح بإصرار مبسش انا قولت كلمه وخلاص يالا عشان نحصل بابا ومي
هزت راسها وركبت العربيه وراحوا علي البيت اللي سبقهم عليه طارق ومي
............................................................................
نعم يعني ايه مفيش جواز هو لعب عيال
رماح وهو بيقوم يشد مؤنس من طرف قميصه بغيظ
احترم نفسك يالا وزي ما سمعت مفيش جواز يالا اتكل من هنا
مؤنس وهو بيجز علي أسنانه بعنف
يكونش العروسه معيوبه
رماح وهو بيضربه بوكس في وشه بغضب
اخرس ياحيوان اختي اشرف منك يازباله
مؤنس وهو بيمسح الدم اللي علي بوقه ببرود وابتسامه شريره
تمام تمااام اوي بس متبقاش تزعل بقي من اللي هيحصل
رماح ببرود وهو بيضربه بخفه علي كتفه
يالا ياعسل ورينا عرض كتافك
هز مؤنس رأسه ببرود ونفس الابتسامه الشريره مرسومه علي شفايفه
تمام اتشاهد علي روحك انت واختك وابوك واخواتي معاكم ههههههههههههه
قال جملته وهو بيضحك بأعلي صوته وبيخرج من المكان واول ما خرج اتحولت ملامح وشه وكشر عن أنيابه وهو بيقول بغموض وشر
نهايتكم علي ايدي واحد ورا التاني
يتبع
إيمان_شلبي
١٦١٢ ٦٠٣ م Emy خطيبه_أخي
البارت_الثالث
وكان مفروض محبكش ولو حبيت مبينش ودلوقتي
كان واقف في نص الفيله
بيبص لكل ركن بحسره بيودع كل مكان عاش فيه طفولته شبابه حبه الاول والآخير
بيودع ابتسامته اللي كانت بتخرج لتصرفاتها المجنونه المحببه لقلبه وهي بتتحرك يمين وشمال في الفيله بتجري ورا اخوها و ورا كارلا اللي دايما بيعصبوها
غمض عينه وهو بياخد نفس طويل نفس من بعده كل حاجه هتتغير كل حاجه هتنتهي
شبابه حبه أخته حتي نفسه هتنتهي
بص لشنطه السفر اللي كانت جنبه وجرها وراه وهو بيخرج من المكان من بعد ما قرر أنه يختفي
هيرمي كل حاجه ورا ظهره حتي هي السبب الوحيد اللي كان مخليه يحب نفسه يحب الحياه هيرميها ورا ظهره
هيسيبها للزمن والايام تعرفها قيمته وقيمه وجوده في حياتها وحياه الكل
ركب عربيته وطلع علي المطار بعد ما حجز اول طياره طالعه علي لندن
بالرغم من أنه ميعرفش اي حاجه هناك ولا عنده شغل ولا عنده حياه
وكأنه مقرر يرمي حياته القديمه اللي مسابتش ذكره حلوه في حياته ويبدء حياه جديده مع ناس جديده ياعالم هتسبله ايه ياعالم نهايتها ايه !
..................................................
كانت قاعده علي السرير ضامه ركبتها لصدرها بتبص قدامها بشرود ودموع
وهي مش قادره تتخيل الحال اللي وصلت ليه علاقتهم اكتر علاقه كانت ناجحه اكتر علاقه الكل مراهن علي نجاحها في المستقبل حتي لو حصل ايه
لأن الكل عارف أن هما بيحبوا بعض من زمان من وقت ما كانت هي لسه بضفاير كان بيمر عليهم مواقف كتير ممكن تفرق اي اتنين عن بعض لكن بحبهم وتمسكهم ببعض كانت كل حاجه بتعدي بابتسامه منها وبكلمه منه وكأن محصلش مشكله من الاساس !
لدرجه ناس كتير كانت بتحسدهم علي علاقتهم وبساطتها حتي وقت الزعل
وكأن الناس بتستكر الفرحه علي بعض !
غمضت عينيها وهي بتفتكر اليوم اللي عرض عليها الجواز قدام الكل بكل حب بدون خجل بدون تكليف
زين الراوي اكتر شخص معقد في نظر الكل جت هي وقعته حولته لشخص تاني شخص عاشق مضحي شخص بيدفن الماضي اللي كله وجع وبيرتب للمستقبل معاها
كل حاجه اتغيرت في لمح البصر بعد ما كان اجمل يوم في حياتها انها واخيرا بعد كل اللي مروا بيه هتكون معاه في بيت واحد وقدام كل الناس اتحول اليوم لاسوء يوم في حياتها اتحولت أحلامها الورديه لكوابيس
فلاش باك
كانت قاعده في أوضتها بتلمس الخاتم اللي مزين ايديها بابتسامه رقيقه مرسومه علي وشها لكن بالرغم من فرحتها كانت حاسه بقبضه في قلبها حاسه ان في حاجه هتحصل
نفضت الأفكار السودويه ديه من دماغها وكانت لسه هتقوم تخرج من الأوضه الفون بتاعها رن
جرت عليه بلهفه كان في اعتقادها أنه زين لكن خاب ظنها وعقدت ما بين حواجبها باستغراب وهي شايفه مؤنس اخو زين اللي بيرن
هو في العاده عمره ما رن عليها كانت دايما تتجنبه بأمر من زين لأن الكل عارف أنه شخص طايش وبتاع بنات
هو بيرن عليا ليه ده استر يارب
قالت جملتها باستغراب وهي بترد عليه وبتحط ايديها علي قلبها
خايفه يكون زين حصله حاجه
ا الو
ميوووش
قالها مؤنس بسخريه وخبث وهو بيسند ظهره علي الكرسي اللي وراه وبيبتسم بغموض
مي برفعه حاجب
في حاجه يامؤنس
مؤنس بخبث
ده في حاجات مش حاجه واحده
مي باستغراب
مش فاهمه
مؤنس بخبث
عرفت أن زين عرض عليكي الجواز وانتي وافقتي
مي ببرود
اه عقبالك
عايزني في ايه بقي !
مؤنس وهو عامل نفسه خايف عليها
بصراحه كنت عايز أحذرك عشان انتي زي اختي
مي بسخريه
والله وتحذرني من ايه بقي
مؤنس بابتسامه خبيثه
من زين
مي بأستغراب
زين !
مؤنس وهو بيدخن وبينفخ الدخان بكل برود
امم من زين هو انتي متعرفيش !
قالت مي والقلق باين علي ملامحها
اعرف ايه !
مؤنس وهو بيفجر قنبلته اللي من بعدها كل حاجه هتتغير
أن زين كان مريض نفسي وأنه اتجوز واحده في السر وقتلها بعد ما عقله المريض صورله انها خانته مع الحارس بتاعها
مسكينه بجد كانت طيبه وهبله صدقت أنه بيحبها و وافقت تتجوزه وفي الآخر شك فيها وقتلها زي ما هيعمل معاكي بالظبط اصل هو بعيد عنك بقي مريض بالشك
كانت بتسمعه وقلبها مع كل حقيقه بتتقال بيدق بسرعه رهيبه علي وشك يتوقف من سرعه نبضاته جسمها كله جاب عرق عيونها بتلمع بالدموع شفايفها بتترعش وهي بتقول بصوت يكاد يكون مسموع
ا انت كذاب ك ا انت كذاب زين ميعملش كده ابدا
مؤنس بحزن مصطنع
صدقيني ديه حقيقه زين اللي محدش يعرفها غيري
مي بصراخ وعصبيه
لا زين ميعملش
مؤنس بغموض وخبث
مستعد اثبتلك
مي وهي بتبلع ريقها
