خطيبة اخي ايمان شلبي
ت تثبت ايه !
مؤنس
أن هو مريض مستعده تسمعي الاثبات !
هزت راسها بتحدي بالرغم من الخوف اللي جواها
مستعده عشان أثبت أن انت كذاب وحقير
مؤنس بحزن
ربنا يسامحك ياميوش
أنا دلوقتي هدخل الاوضه عنده وهسيب السماعه مفتوحه
ت تمام
وبالفعل خبط الباب وثواني وسمحله زين أنه يدخل
زين باستغراب
مؤنس غريبه يعني
مؤنس ببرود وهو بيقعد علي الكرسي
ماغريب اللي الشيطان
اه صحيح سمعت انك هتتجوز مبروك
زين بهدوء
الله يبارك فيك يا سيدي عقبالك
مؤنس بخبث
وياتري بقي مي كمان هتكون ضحيه ولا ديه استثناء !
زين برفعه حاجب
فكرك ايه !
مؤنس بخبث اكبر
ضحيه طبعا مش كده
زين بضحكه خبيثه وشريره
طبعا كلهم ضحايا كلهم هشرب من دمهم
مؤنس بحزن مصطنع
حرام عليك مش كل صوابعك زي بعضها ازاي تعمل كده في مي ديه بتحبك
زين وهو بيبهبد علي المكتب بعصبيه
مفيش حاجه اسمها حب
كلهم خاينين كلهم زي بعض
مؤنس وهو بيحاول يهديه
طب اهدي خلاص اهدي يعني انت مش بتحب مي!!
زين وهو بيضحك بقوه
حب هههههههه حب ايه يابني هو انا بتاع الكلام الفارغ ده
أنا بضحك عليهم عشان اتجوزهم واخلص عليهم وبس غير كده مفيش حاجه في قاموسي اسمها حب
مؤنس وهو بيتنهد
تمام يازين ربنا يهديك عن اذنك
قال جملته وخرج من الاوضه وهو بيبتسم بخبث وشر أنه قدر يوقع ما بينهم وان قصتهم الاسطوريه هتنتهي علي أيده
أما عن مي دموعها كانت نازله علي خدها قلبها بينزف وكأنه جاب خنجر مسموم ودب قلبها بكل قسوه بدون رحمه وكأنه انسان بلا قلب !
الفون وقع منها ومن بعده هي وقعت فاقده الوعي دخلت في غيبوبه دامت لاسبوع بالتقريب ومحدش يعرف السبب
كل حاجه اتغيرت لما فاقت قررت تبعد بدون ما تقول اسباب
عارفه أن استحاله رماح أو باباها يصدقوا لانه صاحب رماح من ايام الثانوي وباباها بيحبه وبيعتبره زي رماح
كانت طول الوقت بتحاول تتجنبه هو يقرب خطوه تبعد عشره
كل ما تشوفه قلبها ينقبض عقلها يصورلها الف سيناريو كلهم ابشع من بعض
وفي يوم عرض عليها مؤنس الجواز
وافقت ولاول مره مي توافق علي قرار متعلق بحياتها من غير ما تفكر الف مره لاول مره متفكرش في عواقب موافقتها
الكل كان مستغرب حتي مؤنس !
كان في اعتقاده انها هترفض لانه عارف ان
باباها ورماح وكارلا وحتي زين الكل كان بيحاول يفهم ايه اللي في دماغها
الكل كان بيحاول يعرف ليه بين يوم وليله غيرت تفكيرها !
لكنها كانت رافضه تقول اي كلمه كانت رافضه خوفا علي نفسها منه لما تواجه بالحقيقه وخوفا علي أهلها
باااك
فاقت من شرودها علي صوت الفون بتاعها بيرن برقمه
حطت ايديها علي قلبها اللي اتقبض وهي بتتنفس بسرعه
وجسمها كله جاب عرق كان بتتنفض وكأن ملك الموت بيقرب منها
فتحت بأيد بتترعش وهي بترد بنبره صوت حاولت تخرجها طبيعيه بعيده كل البعد عن خوفها
ا الو
انا بكلمك عشان أسألك لأخر مره ليه اتغيرتي
انا متغيرتش ولا حاجه
مي انا لأخر لحظه بايع الدنيا كلها ومشتريكي
مي بقسوه ولاول مره
وانا شاريه الدنيا كلها وبايعاك
يعني مش عايزاني
إطلاقا
مي فكري صدقيني لو مشيت مش هرجع تاني
اتمني
هتندمي
بتحلم
تمام يامي ديه كانت أخر محاوله بعد كده خلاص مفيش محاولات تاني
مفيش زين تاني في حياتك ولا حياه حد
اعتبري زين مات
بس مترجعيش تندمي أو حتي تفكري تدوري عليا بعدين لان اللي مات مش بيرجع ابدا سلام
يتبع
إيمان_شلبي
١٦١٢ ٦٠٣ م Emy خطيبه_اخي
البارت_الرابع_والأخير
بيقول الشاعر يا حبيبتي
مش لاقي بنات بعدك .. غيرك
ولا ليا بلاد شبهك .. تاني
يالفعل الخارج من قلبي .. يالكلمة الصادقة على لساني
كل ما تبعدي بيزيد قربك
وشاريكي في عز ما سيبااااني
قولي اتحرك وانا اطير عنډك
قولي استني وهبقي مکاني
طيبي خاطري بكونك جمبي
كملي ناقصي وشدي عيدااني
الحزن في حضنك يرضيني
مر اسبوع كل شيئ اتغير في حياته
شغله بيته
أصحابه حبيبته
حتي هو اتغير
شكله قلبه نفسه !
كان قاعد في بلكونه اوضته في البيت البسيط اللي اشتراه اول ما سافر علي الاسكندريه
ضحك بسخريه مريره وهو بيفتكر قراره أنه يبعد عنهم ويسافر لمكان بعيد وأنه ضرب بيه عرض الحائط
قدامه فنجان قهوه بخاره بيطير مع نسمه الهواء البارده
كان مراقب البخار اللي بيختفي وبيطير بعيد زي أحلامه بالظبط كلها طارت كلها اختفت وأصبحت سراب
غمض عينه يستنشق الهواء البارد زي قلبه البارد الخالي الحزين من غيرها
ضرب علي قلبه
رفع راسه للسما ودمعه شارده نازله علي خده وهو بيدعي بقلبه قبل لسانه أنه ينسي ويعيش و يقاوم حبها اللي مازال مسيطر علي كل ذره في كيانه
..................................................
في مكان تاني وخاصه في اوضه ضلمه مفيش اي سراب للضوء
كانت نايمه علي جنبها متكتفه من ايديها ورجلها
دموعها نازله علي خدها وهي بتفتكر اللي حصل واللي وصلها المكان ده
فلاش باك
كانت لسه قاعده في أوضتها بتفتكر كل ذكره ما بينهم وكارلا قاعده بتراقبها بصمت لحد ما قررت تتكلم معاها يمكن تقدر تفهم ايه اللي حصل وايه اللي وصل زين للحاله الغريبه ديه !
قربت منها وهي بتلمس كتفها علي آثره اتنفضت مي وخرجت من شرودها
كارلا
اهدي اهدي أنا كارلا
اتنفست براحه وهي بتقول بهدوء
معلش كنت سرحانه شويه
كارلا بنظرات ذات مغزي
في زين مش كده
مي وقلبها بيدق قالت بتوتر
هه ل لا طبعا وهفكر فيه ليه
كارلا بخبث
وايه اللي ميخلكيش تفكري فيه !!
مي وهي بتتهرب منها
ل لو سمحتي ياكارلا أنا عايزه انام
كارلا وهي بتهز رأسها برفض
مش قبل ما تقوليلي اللي حصل
مي باستغراب
اقول ايه مش فاهمه
كارلا وهي بتبص في عينيها بتحدي
ايه السبب الفظيع اللي يخليكي تسيبي زين
مي بتوتر
ا اسباب خاصه
كارلا بخبث
بس ده ميمنعش انك بتحبي زين
مي بتوتر اكبر وهي بتفرك ايديها
لا لا أنا مش بحب اخوكي
كارلا
كذابه
مي بعصبيه
لا انا مش بكذب انا مش بحبه
كارلا بسخريه
عيونك عمرها ما تكذب يا مي عيونك وقلبك اللي بيدق لدرجه صوت دقاته وصلتلي من هنا
دموعك المتعلقه في عينك اشتياقك لزين كل ده عمره ما يكذب ابدا
مي بعصبيه ودموع
ايوه بحبه كنت بحبه قبل ما اعرف حقيقته
كارلا باستغراب
حقيقته !!
مي وهي بتبص قدامها وبتقول بهمس
ايوه حقيقه أنه مريض نفسي ح حقيقه أنه كان متجوز واحده في السر وهو واهمني بالحب وهو معشمني حقيقه أنه مجرم ق قتلها عشان شك فيها حقيقه أنه عايز يتجوزني عشان ينتقم منها فيا حقيقه أنه هيخليني ضحيه مرضه انا مبكرهش في حياتي قده
كارلا وهي بتصرخ
انتي بتقولي ايه زين عمره ما يعمل كده ايه الكلام ده
مي بصراخ اكبر
أنا كنت زيك كده لحد سمعته بودني وهو بيقول أنه هيخلص عليا
كارلا وهي بتهز رأسها بهستريه ودموع
لا لا اخويا مش مجرم انتي ازاي تصدقي الكلام ده ازااااي
مي بتحدي
مؤنس بنفسه هو اللي اثبتلي
كارلا
اااااه قولتي مؤنس
وانتي بقي صدقتي الحيوان ده
مي بعصبيه
ده اخوكي
كارلا بزعيق
مؤنس مش اخويا ولا عمره هيكون اخويا هو ابن مرات بابا وبس الحق علينا انا وزين لما اعتبرناه اخونا الحق علينا أننا دخلناه بيتنا وشغلناه معانا ومقولناش لحد أنه ابن مرات ابويا
مؤنس ده أحقر بني آدم انا شوفته في حياتي هو والحربايه امه اللي رمته علينا عشان يوقعني ويتجوزني ويكوش علي فلوسي طول عمره بيكره زين عشان هو احسن منه
طول عمره بيحقد عليه طول عمره بيحاول يوقعه ويكره الناس فيه
هو اللي مريض مش زين سامعه زين مش مريض مؤنس هو اللي مريض
وان كان علي الاثبات فهو ذكي فعلا يقدر يخليكي تصدقي لانه عنده برنامج تغير الاصوات ومحترف في الفوتوشوب
حقيقي مشفقه عليكي انك وقعتي في المصيده
مشفقه علي زين أنه حب واحده زيك فورا صدقت أنه ممكن يعمل كده وسابته
سابته بعد ما ضحي بكل حاجه عشانها بعد ما فتح قلبه اللي كان مقفول بخمسين قفل حقيقي أنا اتخدعت فيكي يامي كلنا اتخدعنا فيكي وفي حبك المزيف لزين انا مش عايزه اعرفك تاني واه صحيح
زين كلمني قبل ما يكلمك قالي أنه هيسافر اسكندريه قالي أنه كان هيختفي من غير ما حد يعرف بس مهونتش عليه انا اللي اقنعته يكلمك للمره الأخيرة ويديكي فرصه للمره الأخيرة بس الظاهر انك مكنتيش تستحقي الفرصه ديه
صدقيني زين أما بيقفل من شخص قلبه عمره ما يفتح تاني لو شافه بيموت قدامه
قالت كلامها وخرجت من الأوضه وسابت مي اللي كانت واقفه تسمعها بذهول وصدمه
فات ثانيه اتنين تلاته وهي مازالت واقفه بتعيد كلام كارلا في عقلها وفجاءه بصت قدامها وعيونها حمراء وكأنها كاسات من الدم وهي بتقول بشر
نهايتك علي ايدي ياحقيييير
بعد مرور ربع ساعه
كانت واقفه قدام باب الفيله بتاعه مؤنس اللي محدش يعرف مكانها غيرها هي وزين
تفتكر اول مره راحت المكان ده أما زين كلمها عشان يستنجد بيها عشان تلحقه بعد
ثواني وفتح الباب وهو بيتطوح يمين وشمال وبيضحك
