ورث الخاله حكايات صافي هاني
المحتويات
قامت بابتسامة هادية وقالتله أنا المحامية فانيسا شو، والممثل القانوني للصندوق الائتماني المالك للعقار. وبالنسبة للبوليس، متعبش نفسك.. هما على وصول فعلاً، بس عشان يحققوا في البلاغ اللي قدمناه الفجر بخصوص تزوير محرر رسمي و استخدام ختم مقلد.
أمي صوتها علي تزوير إيه؟ ابني معاه ورق رسمي ومختوم!
رديت عليها وأنا بقرب منها يا أمي، الورقة اللي في إيد رايان دي مكتوب فيها إني أنا إيثان كول اتنازلتله عن البيت.. المشكلة بقى إن إيثان كول قانونياً مبيملكش البيت ده من خمس شهور عشان يتنازل عنه! البيت ملك لل Trust، يعني لو كنت عايز أتنازل لرايان، كان لازم الصندوق هو اللي يوقع، مش أنا.
رايان بدأ ينهج، وعينه بدأت تزيغ يمين وشمال أكيد فيه غلط.. أنا.. أنا الورق ده جالي..
فانيسا قاطعته الورق ده أنت اللي عملته يا رايان. والسجل العقاري بلغونا إن السيستم بتاعهم مفيش عليه أي عملية نقل ملكية بالرقم ده. يعني أنت مش بس زورت توقيع أخوك، أنت زورت ختم حكومي كامل.. ودي فيها من 7 ل 10 سنين سجن مرتاح.
في اللحظة دي، عربية البوليس ظهرت في أول الشارع. رايان رمى العتلة من إيده وحاول يرجع لعربيته، بس أنا كنت أسرع منه وقفل البوابة الإلكترونية بالموبايل.
بصيت لأمي اللي كانت بتبكي وبتقول
البوليس نزل، والكلبشات لمعت في إيد الابن الذهبي قدام الجيران كلهم. ورايان وهو بيتركب الميكروباص بصلي بكرة، فغمزتله وقلتله متقلقش، هبعتلك مجموعة الأسطوانات بتاعة خالتي في السجن.. عشان تسليك.
بعد ما البوليس أخد رايان، الدنيا هديت فجأة، بس هدوء تقيل يغمه النفس. أمي فضلت واقفة في نص الشارع، بتبص لعربية الترحيلات وهي ماشية، وبعدين لفتت لي بوش كله غل وقالت أنت دمرت عيلتك عشان حتة بيت؟ بعت أخوك عشان الفلوس؟
بصيت لها بمنتهى البرود وقلت لا يا أمي، أنا حاديت أخويا السجن عشان هو حاول يسرقني ويزور ورقي ويشردني.. الفرق بيني وبينكم إنكم بتشوفوا النهب شطارة، والحق قسوة.
دخلت البيت وقبل ما أقفل الباب، فانيسا المحامية بصت لي وقالت رايان مش هيطلع منها بسهولة، التزوير واضح وشهادة موظف السجل اللي هو رشاه في السكة هتخليه يلبس القضية لوحده.
اللي حصل بعد كدة كان متوقع.. ضغوط من العيلة كلها، خالاتي وعمامي اللي مظهرش حد منهم وقت تعب خالتي مارجريت، فجأة كلهم بقوا حكماء وعايزيني أتنازل عن المحضر. تليفوني مكنش بيبطل رن، ورسايل أمي كانت بتتحول من شتائم لترجي
بعد أسبوعين، روحت زورت رايان في الحجز. مكنش هو ده الابن الذهبي اللي لبسه دايماً مكوي وشعره متسرح. كان دبلان وخايف.
أول ما شافني، لزق وشه في السلك وقال طلعني من هنا يا إيثان.. أنا هكتبلك تنازل عن كل حاجة، والله ما هقربلك تاني.
سندت ظهري على الكرسي وقلتله أنت فعلاً مش هتقرب لي تاني، بس مش بمزاجك.. ده بأمر المحكمة. وبالنسبة للتنازل، فإنت معندكش حاجة تتنازل عنها أصلاً، البيت ملكي من الأول.
طب وأمي؟ هتعيش فين؟ أنت عارف إني كنت واخد قرض بضمان شقتها عشان أمول المصاريف القضائية والموظف اللي رشيته.. الشقة هتتسحب منها!
هنا وقفت وبصيت له في عينه دي مشكلتك أنت وهي.. أنتم اللي راهنتم بكل حاجة على كدبة، ولما الكدبة اتكشفت، لازم تدفعوا الثمن.
سيبته وخرجت. بعتت المحامية فانيسا تخلص إجراءات أمر عدم تعرض ضد أمي ورايان. بعت البيت القديم بتاع خالتي، وبالمبلغ ده اشتريت مجمع سكني صغير في منطقة تانية خالص، وغيرت رقم تليفوني.
آخر حاجة عرفتها إن رايان خد حكم ب 5 سنين، وأمي اضطرت تبيع اللي وراها واللي قدامها عشان تدفع غرامات ومصاريف المحاميين، وانتهى بيها الحال في شقة إيجار قانون قديم في منطقة شعبية.
أنا مش شرير، أنا بس اتعلمت من خالتي مارجريت
مر شهر على حبس رايان، وكنت فاكر إن الحكاية خلصت عند كده، بس في يوم لقيت المحامية فانيسا بتكلمني وبتقولي إن فيه مفاجأة في القضية.
روحت مكتبها، لقيتها حاطة قدامها ملف قديم ومصفرّ. بصت لي وقالت إيثان، وأنا براجع أوراق الضرائب القديمة بتاعة خالتك مارجريت عشان أقفل ملف الصندوق الائتماني، لقيت حاجة غريبة.. خالتك مكنتش بس بتكره أمك وأخوك، دي كانت حامية نفسها منهم من سنين.
فتحت الملف، ولقيت إقرار موثق من خالتك مارجريت قبل ما تموت بسنتين، بتفضح فيه محاولة قديمة لرايان إنه يسرق توقيعها على شيكات. الإقرار ده كان محطوط ك تأمين عند محامي تاني خالص، والوصية كانت بتقول إن لو رايان حاول يعمل أي حركة قضائية أو قانونية ضد الورث، الإقرار ده يتفعل ويتحول لبلاغ رسمي فوراً.
يعني مارجريت كانت عارفة إنهم تعابين، وحفرت لرايان الحفرة قبل ما تموت، وهو وقع فيها برجليه.
خرجت من مكتب المحامية وروحت قعدت على البحر.
متابعة القراءة
