بائعة المجوهرت حكايات صافي هاني
في ثانية واحدة، الدنيا وقفت.. مارا كانت واقفة في محل المجوهرات بتاعها بتركب فص ألماظ في خاتم بلاتين، وفجأة الباب اتفتح.. ودخل بريستون. الراجل الملياردير اللي سابها من 4 سنين واتخلى عنها وهي حامل عشان يرضي عيلته الغنية! بس الصدمة إنه مكنش لوحده.. كان داخل ومتبت في دراعه خطيبته الجديدة كارولين، البنت الهاي كلاس اللي أهله ماليين عينهم بيها.
فص الألماظ وقع من إيد مارا وخبط في الإزاز.. صوت الخبطة كان كفيل يصحي وجع أربع سنين من السكوت والكسرة.
بريستون أول ما شافها وشه خطف لونه وبقى زي الشبح، الصدمة لجمته لدرجة إن خطيبته قفشت في كم بدلتة وهي مش فاهمة في إيه! همس بصوت رعاش مارا؟.. الاسم طلع من بوقه غريب قوي، ده الصوت اللي كان زمان بيوعدها بالحمى والأمان في شقتهم البسيطة، وهو نفسه الصوت اللي سابها في كوابيس المستشفى لوحدها ومسألش فيها.
مارا دَست وجعها، مسكت الألماظة بالجفت وحطتها في العلبة القطيفة، وقالت بصوت ثابت يخدع بلد أهلاً بيكم في إيليس آند إمبير.. عندكم ميعاد؟
الخطيبة كارولين ضحكت بدلع وراس مرفوعة وقالت آه.. قالولنا إنك أشطر مصممة مجوهرات في شيكاغو، وبريستون عايز يشتريلي حاجة ملهاش مثيل، السعر مش مشكلة خالص!.. وبصت لهم بشك هو انتوا تعرفوا بعض؟
مارا
وفجأة.. الصوت اللي قلب الموقف كله طلع من ورا الفاترينة!
طفل عنده 4 سنين، لابس سماعات كبييرة وبيقول مامي؟
الكلمة نزلت على بريستون أقوى من القلم! عينه راحت بسرعة للولد.. شعر أسود تقيل، عيون واسعة، وغمازة في خده الشمال.. نفس ملامحه بالظبط! بريستون بدأ يجمع ويحسبها في دماغه وعينه بتطق شرار الولد ده عنده 4 سنين.. وأنا سايب مارا من 4 سنين.. يعني ده ابني اللي هربت من مسؤوليته؟!
مارا راحت لابنها وبست دماغه وقالتله أنا هنا يا حبيبي، كمل لعب، الولد سألها ببراءة ده راجل وحش؟.. مارا بصت لبريستون ونظراتها كلها تحدي وقالت لا يا حبيبي.. ده مجرد زبون.
كارولين وهي مش فاهمة البركان اللي شغال تحت الأرض ده، مالت على كتالوج التصميمات وبدأت تقلب.. وفجأة عينيها لمعت ووقفت عند تصميم خاتم في آخر الصفحة وقالت بفرحة هو ده! ده تحفة يا بريستون.. أنا عايزة ده بالظبط بس الفص اللي في النص يكون 6 قيراط.. بص كده!
الصدمة فين بقى؟
إن الخاتم اللي الخطيبة نَقّته وعايزة تِشتريه، هو أصلاً الخاتم اللي مارا صممته وسَمّته باسم ابنها.. الابن اللي بريستون اتخلى عنه وداس عليه زمان!
تفتكروا بريستون هيعمل إيه لما يعرف إن الخاتم ده باسم
لو عايزين الجزء الثاني ينزل حالاً.. وروني التفاعل والكومنتات
الجزء الثاني الخاتم ده ملك لابني اللي انت رميته!.. المواجهة الشرسة بين الملياردير وطليقته قدام خطيبته الجديدة!
كارولين كانت بتشاور على التصميم في الكتالوج بفرحة عمياء وهي بتقول بص يا بريستون، الخاتم ده يجنن! أنا عايزة نفس الديزاين ده بالظبط.
مارا بصت للصفحة، وحست كأن سكين مغلية غرزت في قلبها. التصميم اللي كارولين منقياه مكنش مجرد خاتم.. ده كان خاتم النجم، التصميم اللي مارا سهرت عليه ليالي وهي بتعيط بعد ما ولدت ابنها إيلي لوحدها في المستشفى، وصممته مخصوص عشان يشيل ملامح النجوم اللي في كتاب ابنها الفلكي.. الخاتم ده كان ملك لابنها!
مارا قفلت الألبوم فجأة في وش كارولين، الصوت كان عالي لدرجة إن كارولين اتنفضت من مكانها.
مارا قالت ببرود قاتل الخاتم ده مش للبيع.. ولا هينفع يتعمل منه نسخة تانية.
كارولين حواجبها اترفت وبان عليها العياقة والغرور يعني إيه مش للبيع؟ إحنا هندفع اللي تطلبيه! بريستون، قولها حاجة!
بريستون مكنش سامع خطيبته أصلاً.. عينه كانت رايحة جاية بين الولد الصغير اللي ورا الفاترينة وبين مارا. الملامح هي هي، العيون،
مارا بصت في عينه علطول، ومبقتش خايفة.. أربع سنين من الوجع طلعوا في نظرة واحدة الخاتم ده له صاحب يا بريستون.. الديزاين ده ملك للطفل اللي انت اتخليت عنه ورميته زمان!
المحل كله قلب ثلاجة! كارولين برقت وعينيها وسعت من الصدمة وبصت لبريستون طفل مين؟ وانت مالك ومال طفلها اصلاً؟! بريستون.. انت مخبي عليا إيه؟
بريستون مكنش قادر ينطق، خطوة ورا خطوة بدأ يقرب من الفاترينة اللي قاعد وراها الولد إيلي. الولد خاف ورجع لورا وشد ديل فستان مامتة. بريستون ركع على ركبه في الأرض عشان يكون في مستوى طول الولد، إيده كانت بترتعش وهو بيحاول يلمس الهيدفون بتاع الولد.. ودموعه نزلت غصب عنه وهو بيقول هو.. هو عنده كام سنة يا مارا؟
مارا وقفت حيطة سد بينه وبين ابنها، وزقّت إيده بعيد بقسوة عنده أربع سنين.. أربع سنين عاشهم من غير ما يعرف يعني إيه أب، وأنا عشتهم بشتغل ليل نهار عشان م يحتاجش لقرش من فلوس عيلتك اللي دوستوا بيها عليا! ودلوقتي.. خدي خطيبتك واطلع برة محلي.
كارولين هنا فهمت كل حاجة، الوش الخشب ظهر، وبصت لبريستون بقرف بقى ده السر اللي عيلتك كانت مخبياه؟ عندك ابن من واحدة
