قسوة زوج حكايات صافي هاني
المحتويات
الاسم أهلاً يا إلهام هانم.. خير يا فندم؟ في حاجة حصلت لأراضي المحلة؟.
ده كان المستشار القانوني لعيلتنا، والمحامي الشخصي لأبويا الله يرحمه.
قلتله بكل هدوء آسفة إني بصحيك يا متر في وقت زي ده، بس كنت عوزاك تجهزلي ورق دعوى طلاق للضرر حالا لبنتي منة، ومعاها قرار تمكين من شقة الزوجية لأنها ملكها بالكامل، وعندي تسجيل صوت وصورة بيثبت التعذيب النفسي ومنع الأكل ومنعها من رعاية طفلها الرضيع.
المحامي رد بسرعة وحسم تحت أمرك يا فندم، الصبح الساعة ٩ الورق كله هيكون في النيابة، والقرارات دي بتخلص في ٢٤ ساعة طالما الشقة باسمها وفي بيبي صغير.
شريف وشه بقا أزرق، وبدأ العرق ينزل على جبهته رغم التكييف وشقاوة البرد بتاعة الفجر.
قفل المكالمة، وبصيت لشريف وقلتله أنا مبهددش يا شريف.. أنا بنفذ. وال ٥ دقايق بتوعك بقوا دقيقتين. لو لمحتك هنا بعدهم، هطلب شرطة النجدة تطلعك بفضحة في العمارة كلها بتهمة التعدي.
شريف بص لمنة بنظرة رجاء أخيرة، كأنه بيستنجد بضعفها اللي كان متعود عليه، بس منة ولأول مرة، لفت وشها الناحية التانية .
لما لقى كل الأبواب اتقفلت في وشه، مشى خطوتين لورا وهو بيهز راسه بغل، ودخل الأوضة بسرعة، سحب شنطة هدوم صغيرة رمى فيها
الشقة فجأة هديت، ومبقاش مسموع فيها غير صوت نفس زين الصغير وهو نايم مطمن .
منة انارت في البكاء، بس المرة دي كانت دموع راحة مش خوف، رمت نفسها وقالت أنا كنت خايفة أقولك يا ماما.. كنت فاكرة إني لوحدي.
طبطبت على ظهرها راسها وقلت لها يا بنتي، أنا عمري ما هسيبك، والست الهادية مش معناه إنها ضعيفة.. الست الهادية بتراقب وتخطط، ولما تضرب.. بتوجع.
دخلنا أنا ومنة الصالة، قعدتها على الكنبة وأنا لسه ماسكة زين بعد ما هدي ونام خالص. منة كانت لسه بتترعش، وجسمها كله بيترعش من الصدمة، كأنها مش مصدقة إن الكابوس اللي كانت عايشة فيه بقاله شهور انتهى في دقائق.
جبتلها كوباية مياه وقعدت جمبها، وقلت لها بصوت حنين بس قوي اشربي يا منة.. وخدي نفسك. طول ما أنا عايشة على وش الدنيا، مفيش مخلوق يقدر يكسرك ولا يجي عليكي.
منة شربت بوق مياه وبصتلي وعينيها حمرا من العياط أنا أسفة يا ماما.. أسفة إني مسمعتش كلامك من الأول. أنتِ كان عندك حق فيه وفي أبوه من يوم الخطوبة، بس أنا اللي كنت غبية ومخدوعة في المظاهر والشهادات والفلوس.
مسحت دموعها بإيدي وقلت لها متقوليش على نفسك غبية،
فجأة موبايلي رن. بصيت على الشاشة لقيت الرقم منصور بيه.. أبو شريف.
منة أول ما شافت الاسم اتخضت ورجعت لورا ده حمايا يا ماما.. أكيد شريف كلمه وقاله.
ابتسمت بثقة وقلت لها يرن براحته.. ده أنا مستنياه.
فتحت الخط وفتحت السبيكر، وجالي صوته اللي كله كبرياء زائف بس النبرة المرة دي كانت متوترة مساء الخير يا إلهام هانم.. أنا لسه واصلي تليفون من شريف، وإحنا ناس ولاد عائلات وميصحش اللي حصل ده، شريف ابن ناس ومتربي، والبيوت أسرار، ومينفعش تطردي راجل من بيته في نص الليل بالشكل ده عشان خلاف عائلي بسيط.
رديت عليه بكل برود وهدوء أهلاً يا منصور بيه. أولاً، ده مش بيته، ده بيت بنتي. ثانياً، ابنك المتربي كان مانع بنتي تشيل ابنها اللي بيموت من العياط وسايبه جعان عشان بيعاقبها على العشا! ده مش خلاف بسيط، ده مرض نفسي وقلة أصل.
منصور بيه حاول يغير نبرته وتبقى هادية وفيها تهديد مبطن يا إلهام هانم، كبري دماغك، شريف عصبي شوية
ضحكت بصوت عالي سخرت بيه من كل كلامه وقلت له أخسركوا؟ أنت فاكر نفسك بتكلم مين يا منصور؟ أنت نسيت نفسك ولا إيه؟ نسيت لما جيت تطلب من أبويا الله يرحمه يدعمك في أول مناقصة لشركتك عشان تقف على رجلك؟ أنا ساكتة بمزاجي، والست المستورة المحترمة اللي كانت قاعدة في أوضة الضيوف عند بنتها، تقدر بكرة الصبح تخلي سيرتكم على كل لسان وتخسروا كل مناقصاتكم الجديدة بالفيديو اللي معايا.. ده غير قضية النفقة والطلاق للضرر اللي هتدفعوا فيها دم قلبكم.
منصور بيه سكت تماماً، والنفس بتاعه بقى عالي من الصدمة، ومبقاش عارف يرد يقول إيه بعد ما عرف إن القناع وقع، وإن الست اللي قدامه مش مجرد مدرسة بالمعاش، دي ست شايلة مفاتيح وتاريخ العمار كله.
قلتله قبل ما أقفل السكة في وشه ابنك مش هيعتب عتبة الشقة دي تاني إلا بورقة طلاق منة، وحقوقها هتوصلها لحد عندها تالت ومتلت ورجلكم فوق رقبتكم.. سلام يا منصور بيه.
قفلت السكة وبصيت لمنة اللي كانت بتبصلي بذهول وفخر وعينيها بتلمع، وقلت لها وأنا ببتسم يلا يا حبيبتي،
متابعة القراءة
